Rama sqaron pse nuk reagoi ndaj deklaratës së ministres serbe për Kosovën
Thursday 16 July 2026, 18:38
TiranaPost
Jo çdo provokim apo deklaratë absurde që vjen nga Serbia meriton një reagim në nivel kryeministri. Ky ishte, në thelb, mesazhi i Edi Ramës kur u pyet pse nuk reagoi personalisht ndaj deklaratës së një ministreje serbe për Kosovën.
I njohur për reagimet e shpeshta në rrjetet sociale mbi zhvillime politike, këtë herë Rama zgjodhi një qasje ndryshe. Ai u distancua nga polemika, duke lënë që qëndrimi zyrtar i Shqipërisë të artikulohej nga ministri për Evropën dhe Punët e Jashtme, Ferit Hoxha.
Zgjedhja për të mos e ngritur çështjen në nivelin e kryeministrit u interpretua si një përpjekje për të mos i dhënë peshë politike një deklarate që, sipas Ramës, nuk e meritonte një përgjigje të drejtpërdrejtë nga kreu i qeverisë.
