Nëse keni hasur kohët e fundit në rrjetet sociale termin "nillionaire", mos u habisni. Edhe pse tingëllon si "millionaire" (milioner), kuptimi i tij është krejt i kundërt.
"Nillionaire" është një shprehje informale e krijuar nga bashkimi i fjalës "nil" (zero, asgjë) me "millionaire". Ajo përdoret me humor për të përshkruar një person që ka shumë pak ose aspak para në llogarinë bankare.
Termi është bërë viral në platforma si TikTok, Instagram dhe X, ku përdoruesit e përdorin për të bërë shaka me gjendjen e tyre financiare, veçanërisht para ditës së rrogës ose pas shpenzimeve të mëdha.
Megjithatë, "nillionaire" nuk është një fjalë zyrtare e gjuhës angleze dhe nuk ka një përkufizim të standardizuar në fjalor. Kuptimi i saj varet nga konteksti dhe përdoret kryesisht si një mënyrë ironike.
