Kremlini: Nuk bëhet fjalë për nënshkrim dokumenti, pas raundit të dytë të bisedimeve Ukrainë-Rusi
E Premte 4 Mars 2022, 13:57
TiranaPost
Zëdhënësi i Kremlinit, Dmitry Peskov tha këtë të premten se nuk flitet ende për nënshkrimin e ndonjë dokumenti zyrtar mes Rusisë dhe Ukrainës, pas raundit të dytë të bisedimeve të së enjtes, mes dy palëve.
“Raundi i dytë i negociatave u zhvillua dje. Tani varet nga këto negociata që bëmë. Kjo ishte një mundësi që delegacionet t'i tregonin njëri-tjetrit të gjithë elementët e qëndrimeve, pa ndërmjetës të panevojshëm. Ne ua thamë tonat palës ukrainase”, tha Peskov.
I pyetur për mundësinë e nënshkrimit të ndonjë marrëveshjeje të nivelit të lartë nga të dyja palët, Peskov tha: “Nuk flitet ende për nënshkrimin e ndonjë dokumenti. Bisedimet që u zhvilluan ishin një mundësi e mirë për të treguar qartë vizionin tonë për këtë problem”.
