Sekretari i Përgjithshëm i OKB-së: I duhet dhënë fund gjakderdhjes. Çmimin po e paguajnë civilët
E Enjte 10 Mars 2022, 09:02
TiranaPost
Sekretari i Përgjithshëm i OKB-së Antonio Guterres ka dënuar bombardimin e spitalit të maternitetit në Mariupol, duke e quajtur "të tmerrshëm".
"Sulmet e sotme në Mariupol, në Ukrainë, ku ndodhen materniteti dhe kopshtet e fëmijëve janë të tmerrshme.
Civilët po paguajnë çmimin e një lufte e cila nuk ka të bëjë fare me ta.
Kjo dhunë e pakuptimtë duhet ndaluar.
Jepini fund gjakderdhjes menjëherë." shkruan Guterrez në Twitter.
Ukraina akuzoi Rusinë për bombardimin e spitalit, ndërkohë që supozohej të ishte në fuqi armëpushimi për evakuimin e civilëve. Nga sulmet u plagosën të paktën 17 persona, disa fëmijë dhe persona të tjerë mbetën nën rrënoja.
