Lajme nga Bota

Rusia kërcënon Finlandën të qëndrojë jashtë NATO-s

Rusia kërcënon Finlandën të qëndrojë jashtë
Ministria e Punëve të Jashtme e Rusisë deklaroi të Premten se çdo përpjekje e Finlandës për t’u anëtarësuar në NATO do të kishte “pasoja ushtarake dhe politike”.

‘’Ne e konsiderojmë angazhimin e qeverisë finlandeze për një politikë ushtarake të mos-angazhimit si një faktor të rëndësishëm në garantimin e sigurisë dhe stabilitetit në Evropën veriore. Aderimi i Finlandës në NATO do të kishte pasoja të rënda ushtarake dhe politike’’ thuhej në deklaratën e ministrisë ruse në Twitter.

Mesazhi ishte një kërcënim i drejtpërdrejtë për vendin nordik, i cili ka qëndruar në mënyrë të qëndrueshme neutrale për më shumë se një shekull.

Rusia kërcënon Finlandën të qëndrojë jashtë

Por sulmi i shfrenuar ushtarak i Rusisë ndaj Ukrainës, një komb sovran që nuk përbënte kërcënim për kufijtë e tij, ka bërë që disa vende në Evropë të rimendojnë vendimet e tyre për të mos u anëtarësuar në NATO.

Pushtimi u nxit pjesërisht nga frika e presidentit rus Vladimir Putin se Ukraina do të bashkohej me NATO-n dhe do të bëhej një demokraci plotësisht funksionale e stilit perëndimor.

Të enjten, kryeministrja finlandeze Sanna Marin tha se pushtimi rus do të zhvendoste debatin afatgjatë në Finlandë rreth anëtarësimit në NATO.

“Finlanda nuk po përballet aktualisht me një kërcënim të menjëhershëm ushtarak, por është gjithashtu e qartë se debati për anëtarësimin në NATO në Finlandë do të ndryshojë,” tha Marin.

Tiranapost.al