Gruaja ukrainase përballet me ushtarin rus: Merri këto fara luledielli dhe futi në xhep, që të rriten kur të vdesësh!
E Premte 25 Shkurt 2022, 17:29
TiranaPost
Një grua e guximshme ukrainase është përballur me një ushtar rus të armatosur dhe i ofroi atij fara luledielli - në mënyrë që ato të lulëzojnë kur ai të vdiste.
Gruaja u kap në kamera duke shprehur zemërimin e saj teksa Rusia pushtoi Ukrainën të enjten, me tanke që rrotulloheshin përtej kufirit dhe sulme ajrore që synonin qytetet e mëdha.
Gruaja shihet në video duke pyetur ushtarët "Kush jeni ju?", ushtari i përgjigjet "Po bëjmë stërvitje këtu. Ju lutemi shkoni në këtë rrugë".
Ajo i ofroi atij farat e lulediellit, që është lulja kombëtare e Ukrainës.
"Merrni këto fara dhe vendosini në xhepat tuaj, që të lulëzojnë kur ju të përfundoni në dhe," tha ajo.
Videoja u shpërnda në internet nga Interneës Ukraine, një organizatë e pavarur mediatike bamirëse me qendër në Kiev. Që atëherë ajo është bërë virale në mediat sociale me më shumë se dy milionë shikime, dhe ka shkaktuar një vërshim komentesh emocionale.
