Eleganca nuk varet vetëm nga rrobat apo markat që vishni. Më shumë se pamja, ajo reflektohet në mënyrën si komunikoni dhe silleni me të tjerët. Këto janë pesë zakone që mund të lënë një përshtypje jo të mirë:
1. Të flasësh me zë të lartë ose të bërtasësh
Nëse të gjithë rreth jush dëgjojnë bisedën, ka shumë mundësi që po flisni më fort seç duhet. Një ton i qetë tregon vetëkontroll dhe respekt për të tjerët.
2. Të përmendësh vazhdimisht emra personash të njohur
Përmendja e vazhdueshme e njerëzve me ndikim për të bërë përshtypje shpesh jep efektin e kundërt. Personaliteti dhe vlerat tuaja duhet të flasin vetë.
3. Të ndërprisni të tjerët kur flasin
Ndërprerja e vazhdueshme e bashkëbiseduesit tregon mungesë dëgjimi dhe respekti. Të dëgjosh me vëmendje është një nga shenjat më të rëndësishme të edukatës.
4. Të ekspozosh vazhdimisht markat luksoze
Eleganca e vërtetë nuk ka nevojë të reklamohet. Kur dikush përpiqet vazhdimisht të tregojë markat që vesh apo përdor, shpesh krijon përshtypjen se po kërkon miratim nga të tjerët.
5. Të përdorësh gjuhë të ashpër ose fyese
Mënyra si flisni tregon shumë për ju. Fjalët e pahijshme ose ofenduese mund të lënë një përshtypje negative, pavarësisht pamjes së jashtme.
Eleganca nuk kushton shtrenjtë. Ajo është rezultat i zgjedhjeve të vetëdijshme, sjelljes së mirë dhe respektit ndaj të tjerëve.
