Lajme nga Bota

Rusia ka lëshuar më se 450 raketa në Ukrainë, sipas zyrtarit amerikan

Rusia ka lëshuar më se 450 raketa në Ukrainë, sipas zyrtarit


Rusia ka kryer "më shumë se 450 lëshime raketash", që nga fillimi i pushtimit të saj në Ukrainë, tha për gazetarët një zyrtar i lartë i mbrojtjes amerikane.

Sipas zyrtarit raketat që po lëshohen janë të të gjitha madhësive, duke përfshirë "raketat me rreze të shkurtër, me rreze të mesme, raketa ajrore sipërfaqësore, raketa lundrimi".

"Kapacitetet e mbrojtjes ajrore dhe raketore të Ukrainës mbeten të paprekura dhe të zbatueshme" tha zyrtari.

Nuk ka pasur ndryshime të rëndësishme në Ukrainë që nga dita e djeshme, sipas zyrtarit të lartë të mbrojtjes, ndërsa SHBA-të vlerësojnë se Rusia ka vendosur 82% të fuqisë së saj luftarake në dispozicion.

E megjithëse nuk ka pasur "asnjë lëvizje të dukshme" të forcave ruse që përparojnë në Kiev që nga dje, Rusia ka rritur "raketat dhe artilerinë e saj që synojnë qytetin", sipas zyrtarit, duke përfshirë edhe rritjen e infrastrukturës së shënjestruar në qytet.

Zyrtari tha se ndërsa forcat ruse po sulmojnë Cherniv dhe Kharkiv, nuk ka pasur "asnjë lëvizje të dukshme nga rusët për të marrë kontrollin", e se forcat ruse janë "të bllokuara" jashtë atyre qyteteve.