Lajme nga Bota

Asambleja e OKB-së voton rezolutën që dënon pushtimin rus të Ukrainës me 141 vota pro e 5 kundër

Asambleja e OKB-së voton rezolutën që dënon pushtimin rus

Asambleja e Përgjithshme e OKB-së ka votuar një rezolutë që dënon pushtimin e Rusisë dhe i bën thirrje që të tërheqë menjëherë të gjitha forcat e saj nga Ukraina.

Rezoluta u mbështet nga 141 nga 193 anëtarët e trupit në një sesion të rrallë urgjent të Asamblesë së Përgjithshme të thirrur nga Këshilli i Sigurimit i OKB-së. Kjo ishte mbledhja e parë urgjente e asamblesë që nga viti 1997.

Për lajmin ka reaguar edhe ministrja e Jashtme e Shqipërisë, Olta Xhaçka e cila në një postim në Twitter thotë se u votua me 141 vota për paqe në Ukrainë e ato 5 kundër ishin nga Rusia, Koreja e Veriut, Eritrea, Siria, Bjellorusia.

“141 vota për paqen në Ukrainë!

Vetëm 5 vota kundër: Rusia, Koreja e Veriut, Eritrea, Siria, Bjellorusia. Bota ka folur kundër agresionit rus! Diktatori i Rusisë duhet të dëgjojë njerëzimin! #StandëithUkraine”