Putin urdhëron forcat ruse të parandalimit bërthamor të jenë në gatishmëri të lartë
E Diel 27 Shkurt 2022, 14:31
TiranaPost
Presidenti rus Vladimir Putin ka urdhëruar komandën ushtarake të vendosë forcat e parandalimit bërthamor në gatishmëri të lartë pas deklaratave agresive të vendeve të NATO -s, raporton Reuters.
Sipas Accociated Press në një takim me zyrtarët të lartë rusë, Putin tha se fuqitë kryesore të NATO-s kishin bërë "deklarata agresive" së bashku me Perëndimin duke vendosur sanksione financiare që goditën Rusinë dhe vetë presidentin.
Putin urdhëroi ministrin rus të mbrojtjes dhe shefin e Shtabit të Përgjithshëm të Ushtrisë që të vendosin forcat e parandalimit bërthamor në një "regjim të veçantë të detyrës luftarake".
