Ministrat e Jashtëm të Rusisë e Ukrainës takohen në Turqi
E Enjte 10 Mars 2022, 09:33
TiranaPost
Ministri i Jashtëm rus Sergei Lavrov dhe homologu i tij ukrainas Dmytro Kuleba po zhvillojnë një takim në Antalia të Turqisë.
Ministri i Jashtëm turk Mevlut Çavusoglu mirëpreti Lavrov e më pas Kuleban në një resort të Antalias.
Bisedimet u ndërmjetësuan nga Turqia, e cila ka marrëdhënie miqësore me të dy vendet, por ka dënuar pushtimin rus dhe ka bërë thirrje për armëpushim të menjëhershëm.
Ky është takimi diplomatik i nivelit më të lartë i këtij konflikti deri më tani i cili raportohet të zgjasë 90 minuta dhe do të zhvillohet me dyer të mbyllura.
