Anonymous po bën luftë kibernetike ndaj Rusisë – sa efektive mund të jetë?
E Enjte 3 Mars 2022, 15:49
TiranaPost
Një varg sulmesh kibernetike kanë prekur sistemet dixhitale të Ukrainës që nga fillimi i pushtimit të Rusisë .
Në të njëjtën kohë, një fushatë ishte duke u zhvilluar në mesin e grupit haktivist Anonymous, duke i bërë thirrje “ushtrisë” së saj globale të “luftëtarëve” kibernetikë për të synuar Rusinë.
Kush është Anonymous?
Anonymous është një komunitet aktivist global hakerash që ka funksionuar të paktën që nga viti 2008. Grupi ka marrë më parë përgjegjësinë për aktet e haktivizmit kundër një game të gjerë objektivash, duke përfshirë kundër bizneseve të mëdha dhe qeverive. Aktivitetet e Anonymous janë shpesh të lidhura me ngjarje të mëdha dhe grupi pretendon se ka një axhendë "anti-shtypje".
Çfarë po kërcënojnë të bëjnë?
Më 16 shkurt, Anonymous postoi një videomesazh me një sërë rekomandimesh dhe kërcënimesh për Rusinë:
Nëse tensionet vazhdojnë të përkeqësohen në Ukrainë, atëherë ne mund të marrim peng […] sistemet e kontrollit industrial. Pala e vetme që do të fajësohet do të jetë e njëjta që e filloi atë në radhë të parë me grumbullimin e trupave, kërcënimet fëminore dhe valët e ultimatumeve të paarsyeshme.
Disa uebsajte dhe media të qeverisë ruse janë vënë në shënjestër që nga ajo kohë, ku Anonymous ka marrë përgjegjësinë në kanalin në Twitter.
#Anonymous - Message to Russia & Western allies over Ukraine
— Anonymous TV 🇺🇦 (@YourAnonTV) February 15, 2022
"If tensions continue to worsen in #Ukraine, then we can take hostage... industrial control systems." Expect us. #Russia #NATO #USA #UkraineCrisis pic.twitter.com/1QhLJv7St8
Incidente të tjera kanë përfshirë vjedhjen dhe publikimin e të dhënave të Departamentit Rus të Mbrojtjes , të cilat mund të përmbajnë informacione të ndjeshme të dobishme për luftëtarët në Ukrainë. Emailet nga prodhuesi bjellorus i armëve Tetraedr dhe të dhënat nga Instituti Bërthamor Rus.
Është shumë herët për të përcaktuar se sa të dobishme mund të jenë këto të dhëna. Shumica e informacionit të vjedhur ëhstë në rusisht, që do të thotë se do të nevojiten përkthyes për të ndihmuar në ekzaminimin e tij.
Kanalet televizive ruse gjithashtu u sulmuan dhe u detyruan të luanin muzikë ukrainase dhe të shfaqnin lajme të pacensuruara të konfliktit nga burime lajmesh jashtë Rusisë.
Është e vështirë të jesh i sigurt se Anonymous ka kryer sulmet kibernetike për të cilat ka marrë përgjegjësinë. Lëvizja bazohet në anonimitetin dhe nuk ka mjete të qëndrueshme verifikimi. Por taktikat dhe objektivat janë në përputhje me sulmet e mëparshme të pretenduara nga grupi.
A do të bëjë ndryshim?
Nuk ka gjasa që sulmet kibernetike të pretenduara nga Anonymous do të kenë një ndikim të rëndësishëm në qëllimin ose taktikat ushtarake të Rusisë. Thënë kështu, këto veprime mund të ofrojnë inteligjencë kyçe rreth taktikave specifike që Rusia po përdor, të cilat do të ishin të vlefshme për ukrainasit dhe aleatët e tyre.
Një përfitim tjetër është se mund të ndihmojë kundër makinerisë së propagandës së brendshme të Rusisë dhe të paraqesë një pamje më të ekuilibruar të ngjarjeve.
Sulmet kibernetike ka të ngjarë të vazhdojnë të përshkallëzohen nga të dyja palët, duke përfshirë individështetërorë dhe joshtetërorë. Qendra Kombëtare e Reagimit dhe Koordinimit të Incidenteve Kompjuterike të Rusisë e ka ngritur nivelin e saj të kërcënimeve kibernetike, duke treguar shqetësime për infrastrukturën ruse që synohet përmes sulmeve kibernetike.
Qytetarë hakera
Krahas Anonymous, një numër i madh profesionistësh kibernetikë ukrainas kanë dalë vullnetarë për të ndihmuar në mbrojtjen kibernetike të Ukrainës. Vullnetarët po organizohen përmes kanaleve Telegram dhe aplikacioneve të tjera të koduara.
Qëllimet e tyre përfshijnë mbrojtjen e infrastrukturës kritike të Ukrainës, ndihmën e qeverisë me spiunazhin kibernetik, heqjen e dezinformatave ruse nga interneti dhe shënjestrimin e infrastrukturës ruse, bankave dhe faqeve të internetit të qeverisë.
Tiranapost.al
