Thirrja e presidentit Zelensky për shtetasit e huaj që mbështesin Ukrainën: Të luftojmë krah për krah kriminelët rusë
E Diel 27 Shkurt 2022, 09:10
TiranaPost
Presidenti ukrainas, Volodymyr Zelenski ka një apel për shtetasit e huaj në llogaritë e tij të mediave sociale, ai fton këdo që t’u bashkohet ukrainasve dhe të luftojë "krah për krah" me ta.
Në postim thuhet: “Presidenti i Ukrainës Volodymyr Zelensky u drejtohet të gjithë qytetarëve të botës, miqve të Ukrainës, paqes dhe demokracisë.
Kushdo që dëshiron të bashkohet me mbrojtjen e Ukrainës, Evropës dhe botës mund të vijë dhe të luftojë krah për krah me ukrainasit kundër kriminelëve rusë të luftës.”
Një postim më i detajuar thotë se shtetasit e huaj lejohen ligjërisht të bashkohen me mbrojtjen e Ukrainës dhe se po formohet një divizion i veçantë luftëtarësh i quajtur "Legjioni Ndërkombëtar për Mbrojtjen Territoriale të Ukrainës".
Udhëheqësi i Ukrainës ka theksuar më parë se vendi është lënë të mbrohet vetë. Aleatët perëndimorë kanë dërguar armë dhe municione - por nuk po shkelin vetë në token ukrainase, kjo sepse Ukraina nuk është pjesë e aleancës mbrojtëse të NATO-s.
