Putin: Forcat ruse po marrin masa për të shpëtuar jetën e civilëve ukrainas
E Hënë 7 Mars 2022, 18:29
TiranaPost
Presidenti rus Vladimir Putin foli me presidentin e Këshillit Evropian Charles Michel sot sipas një njoftimi nga Kremlini, dhe ka pretenduar se ushtria po merr masat e nevojshme për të shpëtuar jetën e civilëve në Ukrainë.
Putin përsëriti gjithashtu pretendimin e ushtrisë ruse se "nacionalistët" ukrainas po pengojnë hapjen e korridoreve humanitare për të lejuar evakuimin e civilëve. Nga ana tjetër autoritetet ukrainase kanë pretenduar se përpjekjet për të evakuuar qytetarët e saj jashtë vendit janë ndërprerë nga forcat ruse që bombardojnë korridoret humanitare për të cilat Moska ka rënë dakord në një armëpushim.
"Kërcënimi kryesor vjen nga formacionet nacionaliste, të cilat në thelb përdorin taktikat e terroristëve, duke u fshehur pas popullatës civile," i tha Putin Michel, sipas raportit.
Tiranapost.al
