Gjigandi energjetik Shell do të ndalojë blerjen e naftës dhe gazit natyror rus
E Martë 8 Mars 2022, 13:27
TiranaPost
Gjigandi energjetik Shell njoftoi të martën se do të ndalojë blerjen e naftës dhe gazit natyror rus dhe do të mbyllë stacionet e tij të shërbimit, karburantet e aviacionit dhe shërbimet e tjera në vend pas pushtimit të Ukrainës.
Kompania tha në një deklaratë se do të tërhiqej nga të gjitha hidrokarburet ruse, duke përfshirë naftën e papërpunuar, produktet e naftës, gazin natyror dhe gazin natyror të lëngshëm.
Vendimi vjen pasi çmimet në rritje të naftës kanë tronditur tregjet globale dhe vetëm disa ditë pasi ministri i jashtëm i Ukrainës kritikoi Shell për vazhdimin e blerjes së naftës ruse, duke sulmuar kompaninë për vazhdimin e të bërit biznes me qeverinë e Presidentit Vladimir Putin.
“Ne jemi plotësisht të vetëdijshëm se vendimi ynë javën e kaluar për të blerë një ngarkesë me naftë bruto ruse për t'u rafinuar në produkte si benzina dhe nafta nuk ishte i duhuri dhe na vjen keq”, tha CEO Ben van Beurden.
Tiranapost.al
