Foto-Video/ Mes Turqisë dhe Greqisë: Dalin pamjet nga pasojat e tërmetit të fuqishëm në ishullin Samos
E Premte 30 Tetor 2020, 14:27
TiranaPost
Tërmeti me magnitudë 7 të shkallës Rihter ka goditur Izmirin dhe ishullin e Samos të Greqisë, duke shkaktuar shembje të ndërtesave, ndërsa flitet për 4 të plagosur që u rrëzuan nga paniku, ndonëse nuk ka informacione zyrtare dhe ekipet e shpëtimit sapo kanë dalë në terren. Mediat turke dhe greke shkruajnë se pasoja të tilla janë të pashmangshme të mos sjellin për fat të keq viktima.
Mediat greke kanë postuar foto nga ishulli grek i goditur, me banorë që dalin duke vrapuar në rrugë, dhe mes frikës për një Tsunami të dytë. Tsunami i parë solli dallgët e detit në rrugët e ishullit, e teksa u tërhoqën duke marrë me vete varka dhe objekte të tjera në rrugë.
Qytetarët e Samosit kanë treguar se lëkundjet zgjatën shumë, dhe u ndjenë në gjithë vendin.
Në ishullin Samos disa ndërtesa janë shembur, duke përfshirë një kishë.
Kryetari i bashkisë së Samosit lindor, George Stantzos, duke folur për mediat greke tha se autoritetet po përpiqeshin të "organizonin situatën, me të gjitha shërbimet. Ne jemi në anën e banorëve. Orët e ardhshme janë vendimtare. Të përpiqemi të qëndrojmë larg detit dhe larg ndërtesave. Ai e nxiti banorët të qetësohen, pasi priten edhe lëkundje të tjera.
