Çekia thotë se nuk mund të pranojë më refugjatë nga Ukraina
Thursday 17 March 2022, 21:15
TiranaPost
Kryeministri i Republikës Çeke, Petr Fiala, ka thënë se vendi nuk mund të pranojë më refugjatë nga Ukraina, pasi po lufton të përballet me një fluks të madh njerëzish që ikin nga lufta.
Rreth 270,000 refugjatë nga Ukraina kanë mbërritur në Republikën Çeke që nga fillimi i pushtimit rus më 24 shkurt.
Fiala tha se qeverisë po i mbarojnë burimet.
"Ne duhet të pranojmë se kemi arritur limitin, nuk mund t'i pranojmë këta refugjatë dhe të mos krijohen probleme," tha kryeministri.
Qeveria çeke ka në plan të lëshojë leje qëndrimi afatgjatë për refugjatët që tashmë janë në vend.
