Aktualitet

Dita e pestë e protestës kundër rritjes së çmimeve: Të ndryshëm, por me të njëjtin hall

Dita e pestë e protestës kundër rritjes së çmimeve:

Siç kishin paralajmëruar, qytetarët edhe sot janë mbledhur për të protestuar kundër rritjes së çmimeve në kryeqytet.

Protestuesit janë grumbulluar fillimisht në sheshin Skënderbej dhe marshuan drejt Kryeministrisë.

Dita e pestë e protestës kundër rritjes së çmimeve:

Pjesëmarrja ka qenë më e vogël se në ditën e djeshme, sipas raportimeve të mediave televizive.

Dita e pestë e protestës kundër rritjes së çmimeve:

Protestuesit kanë kërkuar dhe lirimin e qytetarëve që u arrestuan ditët e mëparshme të protestës.

Thirrjet e protestuesve kanë qenë: “Nuk dorëzohemi”, “kërkojmë një jetë me dinjitet, ashtu siç e meritojmë”, “Ju jeni e vetmja shpresë e këtij vendi. Të ndryshëm, por me të njëjtin hall”.

Protesta ka nisur rreth orës 11:00 dhe ka zgjatur afërsisht dy orë. Qytetarët kanë paralajmëruar se do të mblidhen çdo ditë në orën 17:00.

Dita e pestë e protestës kundër rritjes së çmimeve:

Pas largimit nga kryeministria një grup protestuesish bllokuan për disa minuta rrugën tek kryqëzimi i ‘Myslym Shyrit’, duke mos lejuar qarkullimin e makinave.

Kryeministri Edi Rama më herët ka shprehur se protestuesit janë një pakicë dhe jo populli, ndërsa ditën e djeshme qeveria miratoi paketën sociale për të cilën tha se gjysmë milioni njerëz do marrin për 3 muajt e ardhshëm 30 mijë lekë.

Tiranapost.al