Rusia pranon për herë të parë se ka lëshuar një raketë hipersonike në Ukrainë
Saturday 19 March 2022, 09:49
TiranaPost
Një zëdhënës i ministrisë ruse të mbrojtjes ka thënë se Moska ka shkatërruar një depo nëntokësore në Ukrainën perëndimore duke përdorur raketa hipersonike.
Igor Konashenkov pretendoi se magazina ishte e mbushur me raketa dhe "municione të aviacionit të trupave ukrainase".
Rusia nuk e ka pranuar kurrë më parë përdorimin e raketave hipersonike në luftime.
Çfarë janë raketat hipersonike?
Ato janë raketa balistike të modelit të fundit që mund të fluturojnë në atmosferën e sipërme 5 herë më shumë se shpejtësia e zërit. Ato janë armë aq të shpejta saqë nuk zbulohen nga sistemet e mbrojtjes raketore.
Sipas ushtrisë ruse, sistemi raketor "Kinzhal" i përdorur në sulm mund të godasë objektivat në një distancë prej më shumë se 2,000 km.
