Rusia vendos një zonë ndalim-fluturimi mbi rajonin e Donbasit në Ukrainë
Friday 18 March 2022, 10:31
TiranaPost
Një zyrtar separatist pro-rus në Donetsk ka thënë se është krijuar një zonë ndalim-fluturimi mbi rajonin e Donbasit, sipas një agjencie ruse të lajmeve.
Rajoni, i cili është pjesë e Ukrainës lindore, përbëhet nga Donetsk dhe Luhansk.
Ato kontrollohen pjesërisht nga separatistët pro-rusë, të cilët i përcaktojnë rajonet si Republika Popullore e Donetskut dhe Republika Popullore e Luhanskut.
Çfarë është një zonë ndalim-fluturimi?
Një zonë ndalim-fluturimi është një ndalim për të gjithë ose disa lloje të avionëve që fluturojnë nëpër një hapësirë të caktuar ajrore.
Ata që e vendosin duhet të jenë të gatshëm të rrëzojnë çdo avion që shkel hapësirën.
Vendosja e një zone ndalim-fluturimi është përfolur shumë gjatë këtij konflikti, me Ukrainën që i bën thirrje Perëndimit që ta vendosë mbi territorin e saj.
