Video/ Lot gëzimi nga NASA: Sonda arrin të ulet me sukses në planetin Mars, çfarë do të thotë kjo
E Enjte 18 Shkurt 2021, 23:12
TiranaPost
Sonda më e fundit e NASA-s arriti të ulej me sukses në planetin Mars pas një udhëtimi që filloi korrikun e kaluar. Hyrja e sondës 'Perseverance' në atmosferën marsiane filloi në orën 3:55 pasdite dhe kaloi me sukses një proces prej shtatë minutësh.
Gjatë uljes NASA nuk kishte aftësi të kontrollonte sondën, por shkencëtarët ishin ne kontakt me pajisjen dhe morën imazhin e parë.
Pjesë e procesit të komplikuar të uljes ishin parashutat, zbritja me shtytje motorike dhe një "vinç qiellor", i cili e uli sondën në sipërfaqen e Marsit duke përdorur kabllo.
"Unë mund t'ju them se 'Perseverance' po funksionon në mënyrë perfekte tani dhe se të gjitha sistemet janë gati për uljen", tha para uljes Jennifer Trosper zëvendës menaxhere e projektit të NASA-s për këtë mision.
'Perseverance' zbriti në Kraterin Jezero, i cili besohet të jetë një shtrat i lashtë liqeni. Atje, do të kërkohen shenja të jetës së lashtë. Terreni rreth vendit të uljes është shkëmbor, duke e bërë uljen të vështirë por NASA tha se sonda ishte e përgatitur për këtë sfidë.
NASA ka ulur me sukses tetë nga nëntë sondat në Mars. Sonda 'Perseverance' është e ngjashme në dukje me eksploratorët e tjerë të Marsit, por ajo mbart një helikopter dron, të quajtur "Ingenuity", i cili testoi nëse është i mundur fluturimi me shtytje motorike në Mars.
Njerëzimi ka dërguar në planetin Mars anije hapësinore që nga vitet 1960-të, disa të suksesshme e disa jo. Vetëm tetë mjete hapësinore janë ulur në Mars, të gjitha nga Shtetet e Bashkuara.
View this post on Instagram
View this post on Instagram
*Tiranapost.al.
