Telegram i kthen në tekst mesazhet zanore që ju dërgojnë miqtë
E Hënë 4 Dhjetor 2023, 11:25
TiranaPost
Telegram ka prezantuar një sërë veçorish të reja për Android dhe iOS këtë javë. Një prej ndryshimeve mëtë rëndësishme është transkriptimi i mesazheve zanore.
Në përditësimin e fundit të lëshuar të enjten, Telegram tha se të gjithë do mund të transkriptojnë mesazhet zanore. Deri më sot ky opsion ofrohej me pagesë në abonimin 4.99 dollarë në Telegram Premium.
Tashmë audio që dikush të dërgon, jo vetëm transkriptohet, por edhe mund të përkthehet.
Ekziston një kufizim gjithsesi: Vetëm abonentët Premium Telegram kanë akses të pakufizuar në transkriptime – përdoruesit falas do të kufizohen në konvertimin e vetëm dy mesazheve në javë. Megjithatë, kjo është më mirë se asgjë dhe mund të jetë e dobishme në situata të rralla.
Kur mund të shërbejë?
Ose kur ke një audio punë pune, ose nëse je me njerëz rrotull dhe nuk dëshiron të hapësh mesazhin me zë. Kështu thjesht e lexon.
Telegram po prezanton gjithashtu “Kanale të ngjashme”, e cila ofron një listë të kanaleve të tjera publike që mund të jenë me interes kur përdoruesit i bashkohen një kanali të ri.
