Lumen Technologies ndërpret shërbimet në Rusi për shkak të 'rritjes së rrezikut të sigurisë'
E Mërkurë 9 Mars 2022, 12:28
TiranaPost
Lumen Technologies, kompania amerikane e telekomunikacionit që njihet si shtylla kurrizore e internetit, njoftoi se do të ndërpriste shërbimet nga Rusia për shkak të “rrezikut të shtuar të sigurisë”.
Kjo pason një lëvizje të ngjashme nga firma tjetër amerikane Cogent Communications e cila të premten ndërpreu shërbimin e internetit për klientët rusë, duke ngritur shqetësimet se Rusia do të shkëputet nga faqet e lajmeve dhe platformat e mediave sociale me bazë në perëndim, edhe pse vetë Kremlini po bën disa përpjekje në këtë drejtim.
Lumen u përpoq të minimizonte ndikimin e vendimit, duke thënë në një deklaratë të shkurtër se ofron shërbime biznesi "jashtëzakonisht të kufizuara" në Rusi.
“Ne vendosëm të shkëputnim rrjetin për shkak të rritjes së rrezikut të sigurisë brenda Rusisë. Ne nuk kemi përjetuar ende ndërprerje të rrjetit, por duke pasur parasysh mjedisin gjithnjë e më të pasigurt dhe rrezikun e shtuar të veprimeve të shtetit, ndërmorëm këtë hap për të garantuar sigurinë e rrjeteve tona dhe të klientëve tanë, si dhe integritetin e vazhdueshëm të internetit global."
Lumen dhe Cogent janë të dy pjesë e rrjetit që lejon rrjedhjen e të dhënave përmes infrastrukturës së internetit. Megjithatë, qasja në burimet e informacionit është bllokuar në Rusi, pavarësisht nga veprimet e Lumen dhe Cogent. Facebook dhe Tëitter janë bllokuar nga Kremlini.
