Stil jete

Vajza me 25 personalitete rrëfen historinë e saj

Vajza me 25 personalitete rrëfen historinë e saj

Një grua me çrregullim të identitetit disociativ ka rrëfyer historinë e saj. Ç`do të thotë të jetosh në një trup që u përket plot 25 njerëzve?

Bo Hooper është 23 vjeçe, por ka 25 personalitete. Nuk është në gjendje as të punojë, sepse i duhet ta ndajë trupin e saj me 25 identitete të ndryshme. Situata është më serioze dhe e vështirë nga sa mund të duket.

Vajza me 25 personalitete rrëfen historinë e saj

Mes gjithë personaliteteve i duhet ta ndajë me një djalë 13 vjeç, një grua të moshës së mesme të pakënaqur nga jeta, një adoleshent e 22 të tjerë, pra të gjinisë dhe moshave të ndryshme.

Bo ka edhe një të dashur i cili e pret derisa ajo të kthehet në trupin e saj. Kur Bo është “Toast” pra djalë 13-vjeçar e trajton të dashurin e saj si shok dhome dhe e fton të luajnë me lojëra.

Vajza me 25 personalitete rrëfen historinë e saj

Nuk ka një rregull të caktuar se kur shfaqet secili personalitet. Shfaqen krejt papritur dhe po ashtu largohen.

Secili personalitet ka shijet e vet në ushqim, rroba dhe madje edhe partnerë.

Bo e zbuloi çrregullimin nga i cili vuan në moshën 14 vjeçare, kur krejt papritur ndjeu urrejtje për miqtë e saj. U zu me ta dhe i mërziti pa shkak. Një nga miqtë iu kthye keq dhe në atë moment, kur Bo hyri sërish në trupin e saj, ajo kuptoi e tronditur se nuk kishte qenë vetja ajo e pesë minutave më parë. Ai ishte një djalë, quhej Texas dhe i urrente miqtë e saj.

Vajza me 25 personalitete rrëfen historinë e saj

“Ishte vërtet e frikshme”, thotë sot Bo.

Problemi i saj më i madh është se e ka të vështirë të mbajë mend se çfarë ka ndodhur në secilin personalitet.

Vajza me 25 personalitete rrëfen historinë e saj

Një nga studimet më të famshme të Çrregullimit të Identitetit Dissociative ishte kur psikiatrit amerikanë Corbett Thigpen dhe Hervey Cleckley kuptuan se pacientja e tyre, Eve White, 25, kishte personalitete të ndryshme. Historia e Evës u bë një film në 1957 i quajtur Tre Fytyrat e Evës. Pacientja, emri i vërtetë i të cilës ishte Christine Costner Sizemore, botoi një libër në 1977 në lidhje me përvojën e saj me çrregullimin. Ajo tha që identitetet e saj ndihmuan për të mbrojtur veten nga gjërat me të cilat nuk mund të përballonte, duke përfshirë të qenit dëshmitare në dy vdekjeve dhe në një aksident kur ishte fëmijë.