Pas dritave të Veriut, fotografohet spektakli qiellor i jugut
E Enjte 30 Mars 2023, 07:57
TiranaPost
Dritat Jugore, ose Aurora e Australisë, kanë qenë veçanërisht prezente këtë sezon në të gjithë Zelandën e Re.
Qiejt e natës që shpërthejnë me përrenj të dritës jeshile dhe rozë kanë mahnitur edhe fotografët profesionistë që e kanë gdhirë për të kapur çastin perfekt.
“Përballë një skene të tillë, mund të harrosh menjëherë gjithçka. Ajo që mbetet është vetëm të mendosh për natyrën dhe njeriun përball saj", thotë një nga fotografët.
Në një natë të kthjellët, shfaqja e dritës natyrale mund të zgjasë për një deri tre orë.
Ky fenomen ka gjasa të ndodhë më shumë në mars dhe shtator.
Po pse ndodh ky fenomen?
Më shumë oksigjen në ajër prodhon jeshile dhe të verdhë, ndërsa më shumë azot e bën një aurorë të duket e kuqe e errët ose blu. Fenomeni zakonisht shfaqet midis orës 22:00 dhe 02:00.
Foto janë shkrepur nga: Thanh Nguyen, Richard Zheng, Dan Dirks, Kristie Knight, Len Jingco.
A nuk janë të magjishme?
