Një foto që vërteton se shoqëria e vërtet ekziston
E Martë 3 Dhjetor 2024, 18:41
TiranaPost
Një shoqëri mund të zgjasë dhe përgjithmonë. 4 shoqe janë rikthyer në një qytet që e kishin vizituar 50 vite më parë bashkë për të rikrijuar një foto që vërteton që shoqëria e vërtet ekziston.
Vajzat britanike në foto Marion Bamforth, Sue Morris, Carol Ansbro e Mary Helliwell, ishin me pushime 50 vjet më parë në qytezën bregdetare Devon, në jug të Britanisë.
Ato ishin asokohe 17 vjeç.
Ato ishin shoqe shkolle të rritura në Halifax, në veri të Anglisë që kishin shkuar për pushime me një rulotë në Devon, për t’u zbavitur në bregdet.
Tashmë në 2024 duket se Bamforth, Morris, Ansbro e Helliwell kanë ruajtur miqesinë e tyre përveç karrierave, martesave e fëmijëve që kanë lindur, ashtu si dhe dhimbjeve e plagëve të pashmangshme të jetës.
