Stil jete

Një dietologe nuk pi kafe prej 4 vitesh, tregon çfarë konsumon për energji dhe përqëndrim

Një dietologe nuk pi kafe prej 4 vitesh, tregon çfarë konsumon
Unë kam qenë fanatike e kafesë për pjesën më të madhe të jetës sime që kur arrita në moshë madhore. Por katër vjet më parë, pas një aksidenti me makinë, mjeku im sugjeroi që të mos konsumoj më kafeinë për të parë nëse do të ndihmonte në uljen e simptomave të dhimbjes së kokës dhe mjegullimit të shikimit.

Disa studiues kanë zbuluar se sasia e madhe e kafeinës mund të irritojë trurin dhe të ngadalësojë rikuperimin, veçanërisht gjatë javëve të para të një dëmtimi.

Si një dietologe prej 20 vitesh, kjo ishte nxitja që më duhej që të hiqja dorë nga kafeina dhe të gjeja alternativa të tjera për energji dhe fokus.

Sidoqoftë, kini parasysh se të gjithë e tolerojnë kafeinën ndryshe. Për të rriturit e shëndetshëm, 400 miligramë kafe në ditë përgjithësisht nuk shkaktojnë efekte të rrezikshme. Por nëse vëreni që keni shenja të marrjes së mendve shpesh, vështirësi në gjumë, rrahje të shpejta zemre, nervozizëm mund të jetë më mirë për ju ta reduktoni.

Së bashku me një gjumë të mirë, aktivitet fizik dhe kohës në ambiente të hapura, kur kam mundësi, këto janë pesë ushqime dhe pije pa kafeinë që konsumoj për të qenë energjike:

1. Qumësht me shafran indie

Një dietologe nuk pi kafe prej 4 vitesh, tregon çfarë konsumon
Të heqësh dorë nga kafja nuk do të thotë të mos pish diçka të ngrohtë në mëngjes.

Unë shijoj një përzierje qumështi të ngrohtë me xhenxhefil, shurup panje dhe pluhur shafran të Indisë. Qumështi më ndihmon të filloj ditën me proteina natyrale, ndërsa shurupi i panjës ofron pak ëmbëlsi dhe ka disa veti anti-inflamatore.

2. Uji

Një dietologe nuk pi kafe prej 4 vitesh, tregon çfarë konsumon

Tingëllon si diçka bazike, por të jesh i hidratuar me ujë ndihmon në ruajtjen e niveleve të energjisë duke i mbajtur muskujt energjikë.

Dehidratimi, nga ana tjetër, mund t’ju bëjë të ndiheni të plogësht dhe të shkaktojë të ndryshime të humorit dhe vështirësi për të menduar qartë.

Sasia e ujit që të rriturit duhet të pinë çdo ditë ndryshon në varësi të nivelit të aktivitetit, mjedisit dhe faktorëve të tjerë. Por përpiqem të pi tetë gota çdo ditë.

3. Kivi

Një dietologe nuk pi kafe prej 4 vitesh, tregon çfarë konsumon
Gjumi i mirë ju ndihmon të qëndroni vigjilentë gjatë ditës, por të gjithë e dimë se mund të jetë e vështirë të merrni një pushim cilësor.

Ngrënia e kivit mund të ndihmojë. Ky frut është i pasur me serotonin, një hormon që ka qenë i lidhur me rregullimin e gjumit. Një eksperiment i vitit 2011 zbuloi se dy kivi një orë para gjumit çdo natë për një muaj çon në rritje të kohës totale dhe cilësisë së gjumit.

Unë ha kivi si para gjumit. Kur fle mirë, dëshira për kafeinë ulet të nesërmen, një fitore e dyfishtë!

4. Mish viçi pa dhjamë

Një dietologe nuk pi kafe prej 4 vitesh, tregon çfarë konsumon
Hekuri ndihmon në transportin e oksigjenit në të gjithë trupin. Nëse keni mungesë hekuri dhe oksigjeni nuk arrin aty ku duhet, mund të ndiheni shumë të lodhur.

Mishi pa dhjamë është një nga burimet më të mira të hekurit që duhet përfshirë në dietë dy herë në javë për të siguruar që trupi të marrë hekurin që i nevojitet.

Nëse nuk hani mish, hekurin mund ta merrni përmes ushqimeve të tjera si spinaqi, bishtajoret, quinoa dhe brokoli.

5. Makarona

Një dietologe nuk pi kafe prej 4 vitesh, tregon çfarë konsumon
Karbohidratet janë burimi kryesor i energjisë së trupit. Niseshteja është një karbohidrat komplekse e bërë nga zinxhirë sheqernash të vegjël. Ne marrim energji kur këto zinxhirë prishen gjatë tretjes.

Ushqimet me bazë bimore si makaronat janë burime të shkëlqyera të niseshtës dhe përmbajnë vitamina të ndryshme B që mbështesin nivelet e energjisë.

Për darkë, ndonjëherë konsumoj makarona pa gluten me pak vaj ulliri ekstra të virgjër, perime të skuqura, proteina pa dhjamë si pulë ose karkaleca, dhe pak parmixhan.

Lauren Manaker është një dietologe e vlerësuar dhe autore e “Libri i gatimit për nëna që janë shtatzëna për herë të parë: një udhëzues ushqimi, receta dhe plane vaktesh për një shtatzëni të shëndetshme”. Ajo ka mbajtur role drejtuese në Akademinë e të ushqyerit dhe dietologjisë dhe ka shkruar për botime, duke përfshirë HealthDay dhe Livestrong.