Stil jete

E vërteta se sa shpesh duhet të lani flokët

E vërteta se sa shpesh duhet të lani flokët

Një raport i kohëve të fundit në lidhje me zbulimin e një kimikati në disa shampo që shkakton kancer mund t'ju bëjë të rimendoni rutinën tuaj të kujdesit për flokët. Por ekspertët thonë se nuk ka një përgjigje të vetme për se sa shpesh duhet t'i lani flokët.

"Disa njerëz thjesht mendojnë se duhet t'i lajnë flokët çdo ditë ose do të kenë flokë shumë të yndyrshëm," tha Dr. Anthony Rossi, një ekspert në SHBA. “Nëse i japin vetes një shans, ata mund të shohin se në fakt nuk e kanë skalpin ose flokët e yndyrshëm.’’
Sa shpesh duhet t'i pastroni flokët varet nga shumë faktorë, duke përfshirë llojin dhe stilin e flokëve dhe se sa i yndyrshëm tenton të bëhet skalpi juaj.

"Larja shumë e shpeshtë mund të bëjë flokët më të thatë, ndërsa grumbullimi i vajit nga moslarja e mjaftueshme mund të çojë gjithashtu në aromë të pakëndshme’, tha Rossi.
Kur duhet larë

Rossi në përgjithësi u thotë pacientëve të tij se duhet të lajnë flokët një ose dy herë në javë. Por nëse keni flokë të thatë mund të duhet t'i lani më pak se një herë në javë për të shmangur thyerjen ose brishtësitë e flokëve ose majat e ndara.

Nëse skalpi juaj është shumë i yndyrshëm, mund t'ju duhet ta lani atë aq shpesh sa një herë në ditë. Mosha juaj gjithashtu mund të luajë një rol.

Fëmijët mund të kenë më shumë skalpe të yndyrshme gjatë viteve të pubertetit, kështu që larja e flokëve më shpesh mund të jetë e dobishme.

Lëkura jonë prodhon më pak vaj ndërsa plakemi.