Dallimet midis rrobave të lira dhe të shtrenjta që shitësit nuk do t'jua tregojnë kurrë
Çmimi nuk është gjithmonë një tregues i cilësisë, veçanërisht kur bëhet fjalë për blerjen e rrobave. Ndonjëherë gjërat e blera, qoftë edhe në vintage mund të vishen me vite, ndërsa një produkt i blerë në një markë luksoze mund të dalë shpejt nga përdorimi.
Prekeni me dorë
Mundohuni të përqendroheni në densitetin dhe peshën kur zgjidhni veshje të thurura. Teknologët e qepjes përdorin një term të veçantë të quajtur "dendësia", e cila matet për sa gram peshon 1 metër katror. Sa më i lartë të jetë ky tregues, aq më e shtrenjtë është pëlhura.
Kontrolloni prerjen dhe qepjen
Edhe nëse nuk je ekspert mund t`i kontrollosh tegelat dhe sidomos pjesën e brendshme të rrobave. Tegelat duhet të jenë të dendur në mënyrë që rrobat të rrinë më mirë në trup.
Kontrolloni xhepat
Një prodhues i mirë i qep xhepat anësorë të xhaketave. Kjo bëhet për t`i dhënë pamje më të mirë. Xhepat që janë të qepura nuk varen ose nuk fryhen.
Merrni një pecetë me vete
Për ta provuar bojën e rrobave merrni një pecetë të bardhë të lagur dhe fërkoni pëlhurën. Nëse del boja e kupton vetë se sa e lirë është. Edhe nëse kushton shumë, nuk ia vlen.
Mbaji erë
A keni vërejtur ndonjëherë që disa dyqane, veçanërisht ato të dorës së dytë, kanë një erë të caktuar? E gjitha kjo për shkak të formaldehidit. Është një gaz organik me erë të pakëndshme. Me ndihmën e tij, dyqanet dezinfektojnë rrobat dhe parandalojnë shfaqjen e mykut në gjëra. Një sasi e madhe e formaldehidit është e rrezikshme dhe mund të shkaktojë alergji. Sidoqoftë, mos u frikësoni, aroma zhduket pas disa larjesh.