Cilat janë sediljet më të sigurta të avionit në rastin e një aksidenti
E Diel 3 Shtator 2023, 18:50
TiranaPost
Udhëtimi ajror është forma më e sigurt e transportit. Edhe pse mund të të duket më i frikshëm nga gjithë llojet e tjera, në fakt është më i sigurti.Ekspertët vlerësojnë se gjasat e përgjithshme për të humbur jetën në një aksident ajror janë të vogla.
Por udhëtarët kuriozë dhe frikacakë mund të pyesin ende për vendin më të sigurt në rast të një aksidenti . Përgjigja varet nga lloji i aksidentit.
“Çdo incident apo përplasje është unik”, tha Alison Duquette, një zëdhënëse e Administratës Federale të Aviacionit. Për shembull, problemi mund të vijë nga një ulje në ujë ose një përplasje në pistë. Si rezultat, ajo tha: 'Nuk ka një ndenjëse më të sigurt'.
Por në vitin 2007, Popular Mechanics analizoi të dhënat e NTSB për çdo përplasje avioni komercial në SHBA që nga viti 1971 që kishte të mbijetuar dhe viktima dhe për të cilin ishte e disponueshme një tabelë e detajuar e vendeve. Konkluzioni i tyre?
Pasagjerët pranë bishtit të një avioni kishin rreth 40% më shumë gjasa për t'i mbijetuar një përplasjeje sesa ata në pjesën e përparme.
