Aktori spanjoll Gabriel Guevara arrestohet gjatë Festivalit të Filmit në Venecia
E Hënë 4 Shtator 2023, 12:16
TiranaPost
Aktori spanjoll Gabriel Guevara, protagonisti i filmit të Amazon Prime, My Fault , është arrestuar gjatë Festivalit të Filmit në Venecia me akuza të dyshuara për sulm seksual.
Guevara kishte një urdhër ndërkombëtar kundër tij për një sulm të dyshuar seksual në Francë.
Arrestimi u raportua fillimisht nga e përditshmja e Venecias La Nuova Venezia.
Festivali konfirmoi lajmin.
Guevara, i cili ka miliona ndjekës në rrjetet sociale, kishte mbërritur dje në Lido. Ai do të merrte një çmim të quajtur çmimi Filming Italy.
Gjykata e Apelit të Venecias tani do të duhet të vendosë për çështjen e Guevarës përpara se ai të mund të ekstradohet. Aktori aktualisht ndodhet në paraburgim. Akuzat e sakta ndaj tij nuk dihen.
