Rafael Nadal ka njoftuar këtë të enjte se në vitin 2024 ndoshta do tërhiqet nga tenisi, kjo për shkak të dëmtimeve fizike.
14 herë fituesi i Roland Garros dhe 22 herë kampioni i Grand Slameve tregoi se do pushojë për disa muaj, për të parë nëse mund të rikthehet në 2024, vit i cili do jetë i fundit për të në karrierë.
"Mund ta imagjinoni sa e vështirë është për mua. Është një vendim që ka marrë trupi im", tha 37-vjeçari nga Akademia "Rafa Nadal" në Mallorca.
"Ambicia ime është të ndalem për t'i dhënë vetes një mundësi për të shijuar vitin e ardhshëm. Viti i ardhshëm ndoshta do të jetë i fundit në garimin tim profesional”, shtoiNadal.
