SPORT

Luiza Gega vajza e artë e Shqipërisë, merr medaljen e tretë në Lojërat Mesdhetare “Oran 2022”

Luiza Gega vajza e artë e Shqipërisë, merr medaljen e tretë

Në Lojërat Mesdhetare “Oran 2022”, atletja Luiza Gega fitoi garën 3000 metra me pengesa, duke shkëlqyer në pistë, teksa dominoi në çdo metër të garës. Gega e ndali kronometrin në 9.14.29, një kohë e jashtëzakonshme, sepse brenda pak ditësh thyen sërish rekordin kombëtar 9:15.48, që u vendos nga vetë Luiza më 6 qershor në Holandë.

Atletja jonë fiksoi edhe kohën më të mirë në Lojërat Mesdhetare, që mbahej nga vet ajo me 9.27.73 si dhe konfirmoi medaljen e artë që pati fituar katër vite më parë në Tarragona.Me arin e Luiza Gegës, tani Shqipëria ka dy medalje të arta dhe një bronz.

Atlejta ka marrë urime nga Kryeministri Edi Rama. “Urime kampione për fitoren e medaljes së artë në Lojërat Mesdhetare “Oran 2022”, shkruajti mbrëmë kryeministri Rama për Luiza Gegën.

Gega u urua edhe nga kryetari i Bashkisë Erion Veliaj. Medalje e Artë për Kampionen tonë absolute, Luiza Gega! Një arritje e jashtëzakonshme për atleten, e cila vendosi edhe rekord të ri kombëtar në Lojërat Mesdhetare “Oran 2022” në garën e 3000 metra, e me pengesa. Krenar për ty!