Kampioni i tenisit shpërthen i frustruar pasi nuk i lejohet të përdorë tualetin gjatë ndeshjes
E Premte 20 Janar 2023, 17:38
TiranaPost
Ylli i tenisit, Andy Murray shpërtheu gjithë inat pasi iu mohua mundësia për të shkuar në tualet në mes të ndeshjes me pesë sete kundër Thanasi Kokkinakis në Australian Open.
Ish-numri 1 i botës, në pushimin para ndeshjes finale, kërkoi të përdorte tualetin, por gjyqtari i tha se nuk i lejohej pasi kishte qenë një herë.
“Unë i respektoj rregullat. Është shaka, është shaka dhe ju e dini gjithashtu”, i tha 35-vjeçari arbitrit.
“Është kaq mungesë respekti që turneu na nxjerr këtu deri në orën tre, katër të mëngjesit dhe nuk na lejohet të shkojmë në tualet”, shtoi Murrai.
Fituesi i US Open 2003 Andy Roddick ra dakord me ankesat e Murray, duke shkruar në Twitter: “E saktë. Ky është thjesht budallik.”
