SPORT

Hodhën flakadanë dhe dëmtuan stolat e stadiumit, nën hetim tre tifozë

Hodhën flakadanë dhe dëmtuan stolat e stadiumit, nën hetim

Tre tifozë po procedohen penalisht pas situatës në ndeshjen e djeshme Tirana-Vllaznia. Nga tribuna hodhën flakadanë në fushë dhe dëmtuan stolat. Kjo solli kaos mes tifozëve.

Ndeshja po luhej në stadiumin Air Albania.

Hodhën flakadanë dhe dëmtuan stolat e stadiumit, nën hetim

Njoftimi i policisë:

Specialistët për Hetimin e Krimeve në Komisariatin e Policisë Nr. 1, në vijim të veprimeve hetimore për situatën e krijuar gjatë dhe pas ndeshjes Tirana-Vllaznia të zhvilluar mbrëmjen e djeshme në stadiumin “Air Albania”, bënë identifikimin, shoqërimin dhe proceduan penalisht shtetasit, të cilët gjatë ndeshjes hodhën flakadanë në fushë dhe pas përfundimit të saj ushtruan veprime të dhunshme, duke dëmtuar stolat e stadiumit.

Hodhën flakadanë dhe dëmtuan stolat e stadiumit, nën hetim

Nga shërbimet e Policisë u proceduan penalisht shtetasit A. F., 26 vjeç, B. K., 33 vjeç dhe E. S., 26 vjeç, pasi gjatë zhvillimit të ndeshjes kanë kryer veprime të kundraligjshme duke ndezur flakadanë, hedhur lëndë piroteknike në fushë, thyer stola.

Vijojnë veprimet hetimore për dokumentimin e plotë të këtij rasti, identifikimin dhe shoqërimin e personave të tjerë që kanë ushtruar veprime të dhunshme gjatë aktivitetit sportiv.

Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme procedurale.

*Fotot nga LSA