Sociale

OBSH ul nivelin e alarmit për linë e majmunëve: Nuk është si Covid 19

OBSH ul nivelin e alarmit për linë e majmunëve: Nuk

Organizata Botërore e Shëndetësisë ka ulur nivelin e alarmit për linë e majmunëve.

“Nuk është një sëmundje për të cilën publiku i gjerë duhet të shqetësohet. Nuk është si Covid-19. Nuk ka nevojë për vaksinim masiv”, theksoi ekspertja e OBSH, Sylvie Briand, në një konferencë për vendet anëtare të OBSH-së në Gjenevë.

Megjithatë, vendet duhet të regjistrojnë shpejt personat e infektuar dhe të izolojnë të prekurit. OBSH supozon se shumica e rasteve do të jenë të lehta. Megjithatë, gratë shtatzëna, fëmijët dhe njerëzit me sistem të dobët imunitar kanë një rrezik më të lartë të infeksioneve serioze.

“Ne kemi një dritare të mirë mundësish për të ndaluar transmetimin tani. Por është e paqartë se sa të mëdha janë stoqet e vaksinave kundër lisë, të cilat supozohet të ndihmojnë gjithashtu kundër lisë së majmunëve”, theksoi Briand.

“OBSH parashikon se numri i rasteve do të vazhdojë të rritet. Lija e majmunëve tani është e pranishme në më shumë se 20 vende, theksoi ajo.

“Aktualisht nuk e dimë nëse thjesht po shohim majën e ajsbergut. Deri më tani, nuk ka rezultate të qarta për shkakun e zhvillimit aktual”, theksoi Briand.

Zyrtarët e shëndetësisë janë të alarmuar për shifrat gjithnjë e në rrit, duke pasur parasysh se infeksioni i ngjashëm me linë zakonisht vërehet vetëm në Afrikë. Një numër disproporcional është në mesin e meshkujve homoseksualë dhe biseksualë.