Një në tre burra në Gjermani e shikon dhunën ndaj grave si diçka normale
E Hënë 12 Qershor 2023, 07:56
TiranaPost
Një e treta e të rinjve në Gjermani e konsiderojnë të pranueshme përdorimin e dhunës ndaj grave, sipas një sondazhi të ri që ka shkaktuar zemërim tek aktivistët e barazisë gjinore.
Sondazhi u porosit nga shoqata bamirëse për fëmijë Plan International Germany. Gjetjet e tij u botuan në gazetën rajonale Westdeutsche Allgemeine Zeitung.
Një grupi prej 1000 burrash dhe 1000 grash të moshës 18-35 vjeç nga e gjithë Gjermania iu kërkua të jepnin pikëpamjet e tyre mbi maskulinitetin për studimin. Studimi u krye në internet.
34% e meshkujve nga ajo grupmoshë pranuan se kanë qenë të dhunshëm ndaj partneres së tyre femër në të kaluarën, për të “rrënjosur respektin”. 33% thanë se mendonin se ishte e pranueshme nëse "dora e tyre kërciste ndonjë pëllëmbë" herë pas here gjatë një debati me partnerin e tyre.
Sondazhi zbuloi se 50% e burrave thanë se nuk do të dëshironin një marrëdhënie me një grua që kishte pasur shumë partnerë seksualë, ndërsa 20% e grave të intervistuara ishin dakord me këtë deklaratë.
Sondazhi zbuloi gjithashtu se pritshmëritë brenda një marrëdhënieje ndryshonin shumë midis burrave dhe grave.
Pak më shumë se gjysma e meshkujve - 52% - dëshironin një marrëdhënie në formën e një "modeli të familjes-shtëpiake", ku ata fitonin shumicën e parave për shtëpinë dhe kujdesi për fëmijët dhe detyrat shtëpiake ishin kryesisht roli i gruas.
Mbi dy të tretat e grave të intervistuara nuk ishin dakord, duke dashur partneritete të barabarta dhe vendimmarrje të përbashkët.
Pak më pak se gjysma e të anketuarve - 48% - shprehën një mospëlqim për shfaqjet publike të homoseksualitetit, duke thënë se ndjeheshin "të shqetësuar" nga kjo.
Një grup gjerman i quajtur Organizata Federale për Barazi shkroi në Twitter se gjetjet ishin "tronditëse".
"Sipas një sondazhi nga Plan International Germany, një në Tre djem të rinj e sheh dhunën ndaj grave 'të pranueshme'. Kjo duhet të ndryshojë urgjentisht!"
Sipas të dhënave nga Policia Federale Kriminale e Gjermanisë (BKA), 115,000 gra në Gjermani ishin viktima të dhunës nga partneri në vitin 2021.
