Erion Braçe falenderon publikisht këta punëtorë të Tiranës pas ndeshjes në Air Albania
E Enjte 26 Maj 2022, 13:35
Erion Braçe
Pas përfundimit të ndeshjes së finales së Conference League, në stadiumin Air Albania, në një status të gjithë, Erion Braçe me mirënjohje përmend të gjithë punëtorët e Tiranës. Nga punonjësit e pastrimit, tek ata të aeroportit, gazetarët, shitësit dhe sidomos policët. Ata që patën edhe përballjen më të vështirë me tifozët në ditën para ndeshjes.
Statusi i plotë i Erion Braçes:
PËR NE, NUK ISHTE LOJË!
ISHTE SHUMË MË TEPËR!
Roma ia doli të fitojë ndeshjen e rikthejë një trofe evropian në e për Italinë.
Për ne ishte, prova më e mirë e FITORES SË VIZIONIT PËR TA BËRË SHQIPËRINË NJË VEND NORMAL E TIRANËN NJË QYTET EVROPIAN;
FUUUUNKSIOOOONOOOOI!
Kur arrin këtu, duhet të ndalesh e falenderosh;
PUNËTORËT, TË GJITHË PUNËTORËT QË BËNË VIZIONIN TË FUNKSIONOJË;
Nga ata të aeroportit NËNË TEREZA, të cilët pritën e shërbyen për numrin më të madh të udhëtarëve ndonjëherë në këtë vend, punëtorët e portit të Durrësit, tek shoferët e linjavë të autobusëve, taksive, punëtorët e hoteleve, restoranteve, bareve, kuzhinierët, kamarierët, sanitaret që shërbyen në to, shitësit në dyqane e supermarkete apo në rrugë, punëtorët e sigurisë në çdo ambient, jashtë e brenda stadiumit, punëtorët e nëpunësit e çdo shërbimi tjetër në qeverinë qëndrore e vendore, posaçërisht në Bashkinë e Tiranës.
Por mbi të gjitha;
EFEKTIVËT E POLICISË SË SHTETIT, përballuan pjesën më të vështirë në këtë sipërmarrje, sigurinë në tre ditë në qytet-çdo ambient të tij, të shtuar deri me 100 mijë njerëz, mes të cilëve plot normalë e të gëzuar, por edhe të dhunshëm që rrojnë për të rrahur e për t`u rrahur.
MJEKËT E INFERMIERËT E URGJENCËS KOMBËTARE, të cilët ishin kudo ku kishte një shqetësim shëndetësor.
PUNËTORËT E PASTRIMIT, përfshirë ata TË MIRËMBAJTJES SË PARKUT TË TIRANËS, për tre ditë me radhë, bënë gjithçka që ky qytet, në ambiente publike e private të ishte i pastër;
Të shihje sot herët në mëngjes, kosha të boshatisur, rrugë e lulishte, PARKUN e pastër, ishte një ndjesi e mirë;
Falë punës së tyre!
ATA FITUAN BETEJËN E TYRE!
Banorët e këtij qyteti, të cilët lëshuan qytetin për miqtë, mirëkuptuan çdo kufizim të nevojshëm, u bënë pjesë e betejës për funksionim, meritojnë respekt!
Gazetarët, jo vetëm ata të sportit, por të gjithë gazetarët e lajmit, terrenit, të cilët u vunë në shërbim të kësaj sipërmarrje, meritojnë gjithashtu respekt.
NDESHJA MBAROI, një fletë historie u shënua; NE DUHET TE BEHËMI GATI PËR SIPËRMARRJEN TJETËR;
KUSH NDALET I KËNAQUR, HUMB BETEJËN TJETËR.
VO: aaa po, faleminderit edhe AD për pjesëmarrjen.
