Të gjithë e duan tani avokaten e Johnny Depp. Firmat ligjore në radhë për të
E Mërkurë 8 Qershor 2022, 07:47
TiranaPost
Camille Vasquez u bë një personazh publik dhe ka ndjekësit e saj që shkruajnë në rrjete sociale të futet në filmat e Hollivudit. Po avokatja e Johnny Depp e ka ngritur tashmë karrierën e saj dhe ajo është në fushën e drejtësisë. Pas fitores së gjyqit maratonë, që u bë publik për 6 javë, pas spikatjes si detajiste dhe shumë e zonja, firmat ligjore janë vënë në radhë të marri në ekipin e tyre Vasquez.
Ndërkaq firma ligjore Brown Rudnick ku ajo punon, nuk e la t`i ikë nga duart. Nga punonjëse, e kanë bërë tashmë partnere.
Ekipi i juristëve që drejtohej nga Benjamin Chew pati edhe avokatë të tjerë në seanca të ndryshme të gjyqit Depp-Heard, por Camille mori më shumë vëmendje. Ishte ajo që e vuri disa herë në vështirësi Amber Heard-in me pyetjet e saj.
Tani që është bërë partnere e firmës ku punonte, Camille ka dhënë vetëm një deklaratë të shkurtër: “Jam shumë e kënaqur që pata besimin e firmës ligjore dhe gjithë ekipit”
Kurse një prej kolegëve të saj tha: “Ne kemi kohë që ia njohim aftësitë Camille, po tani ishte radha e botës të shikonte se çfarë ylli është ajo”.
