Të gjitha shenjat që tregojnë se martesa e Enada Hoxhës dhe Gerd Vasos ka marrë fund
E Enjte 12 Shtator 2024, 10:46
TiranaPost
Një nga çiftet më jetëgjatë të showbizit, i kohës kur s`kishte as Facebook e as Instagram, duket se është ndarë. Dhe provat për këtë ndarje i gjen pikërisht tek ky i fundit, tek Instagrami.
Enada vijon të mbajë Instagramin e vjetër me emrin e Gerdit brenda “EnadaGerdVaso”, kurse Gerdi ka hapur një profil të ri vetëm me emrin e tij.
Prej 8 majit, poston vetëm selfie dhe foto të vetes. Enada nuk është askund.
Madje në postimin e parë fare, Gerdi duket se e ka dhënë edhe sinjalin e një jete të re, teksa shkruan: “Beso në magjinë e një fillimi të ri dhe rritu nën madhështinë e një ëndrre në përjetësi”.
Postime ka bërë vazhdimisht edhe Enada nga plazhi në Shqipëri, pushimet në Barcelonë dhe Gerdi gjithashtu mungon.
Madje edhe në daljet e saj të fundit në shfaqje, Enada ka të tjerë partner në balet.
Këtë moment, të dy, po e kalojnë në heshtje, si shumica e çifteve të njohur që ndahen në Shqipëri, pa bërë ndonjë status të përbashkët nga ata tipikët që bëjnë të jashtmit.
