Postimi i shoqes zyrtarizon lidhjen e Jennifer me Ben
Jennifer Lopez dhe Ben Affleck mund të mos kenë folur ose postuar personalisht në Instagram lidhur me rikthimin e tyre bashkë, por të gjithë fansat e Bennifer që prisnin diçka më tepër për t’u siguruar mund të shkojnë tek profili i mikeshës më të mirë të Jennifer.
Leah Remini ka publikuar një video montazh nga festa e ditëlindjes së 51-të ku mes pamjeve është çifti Lopez- Affleck të cilët ishin të pranishëm. Të dy shihen të përqafuar ndërsa J.Lo mban dorën në kraharorin e të dashurit të saj, ose më saktë ish të fejuarit me të cilin u rikthye pas 17 vitesh.
View this post on Instagram
Gjërat duket se po shkojnë më së miri mes tyre, ndërsa miq pranë çiftit thonë se ata janë marrëzisht të dashuruar me njëri tjetrin.
E duket se ndarja e tyre në 2004-ën i bëri të kuptojnë se kë dashurojnë në të vërtetë. Në fakt Jennifer pas ndarjes nuk ka thënë ndonjë fjalë që mund të mërziste Ben.
Ata po planifikojnë për të ardhmen e tyre së bashku, tregon një mik i përbashkët i çiftit. E kush thotë se rikthimi me ish-in është diçka toksike?
Artikulli i marieclaire përkthyer dhe përshtatur në shqip nga Tiranapost.al.