Pique shfaqet publikisht me të dashurën e re, një burim pranë Shakirës tregon ç’ka thënë ajo
E Hënë 22 Gusht 2022, 17:32
TiranaPost
Shakira dhe Gerard Pique kishin një pakt, sipas të cilit ata nuk do të shfaqeshin në publik me partnerët e tyre të rinj gjatë vitit të parë pas ndarjes. Por ndonëse kanë kaluar vetëm 3 muaj nga ndarja e tyre, Pique u shfaq publikisht me të dashurën e tij të re, studenten Clara Chia Marti me të cilën kanë shkëmbyer edhe puthje të shkujdesur nga sytë e publikut teksa ndodheshin në një festival veror në Katalonjë.
Video e tyre e publikuar fillimisht nga media spanjolle “Socialite” tashmë është kthyer në virale dhe titull kryesor të lajmeve rozë.
Por si ka reaaguar këngëtarja e famshme pas kësaj?
Një burim pranë saj ka thënë se Shakira ndihet shumë e zemëruar pas kësaj videoje.
Ndërsa të tjerë dëshmojnë mbi lidhjen e re të Pique. “Gerard dhe Clara janë takuar për muaj të tërë. Ajo është një studente që punon edhe në zyrën e tij, duke organizuar evente. Ata e kanë mbajtur të fshehtë marrëdhënien e tyre për publikun, por njerëzit pranë tyre ishin në dijeni për këtë lidhje,” u shprehën burime pranë çiftit për “The Sun”, duke shtuar se ndonëse ishin në dijeni se ata të dy ishin bashkë, të gjithë kanë kontribuuar disi që marrëdhënia e re e futbollistit të mbetet diskrete në sytë e publikut.
“Njerëzit e kanë ndihmuar atë të mbajë në heshtje romancën duke fshirë madje dhe llogaritë e mediave sociale të Clara-s, në mënyrë që askush të mos mund të gjejë fotot e saj,” thonë burimet, gjë që është aq e verifikueshme sa vështirë të gjesh foto personale të saj në internet.
“Kam parë shumë dashuri, por ky është një Gerard Pique që nuk e kemi parë kurrë. Kjo do ta lëndojë shumë Shakirën,” është shprehur prezantuesja e njohur spanjolle Laura Roige.
Shakira dhe Gerard njoftuan fundin e lidhjes së tyre 11-vjeçare në qershor. Ata kanë së bashku dy djem, Milan nëntë vjeç dhe Sasha shtatë vjeç.
Sipas gazetës spanjolle El Periodico, Shakira dhe Gerard po përpiqen të mbeten miq për hir të fëmijëve të tyre, pavarësisht se marrëdhënia e tyre është e tensionuar.
Gazeta spanjolle raportoi gjithashtu se çifti ka jetuar veçmas për disa javë pasi Pique u dëbua nga shtëpia e familjes nga ylli i popit.
Çifti ishte së bashku që nga viti 2011, ndërsa dyshja ishin takuar gjatë xhirimit të videoklipit për këngën e saj të Kupës së Botës Waka Waka.
