Showbiz

Pas Balenciaga, edhe Adidas ndërpret partneritetin me Kanye West

Pas Balenciaga, edhe Adidas ndërpret partneritetin me Kanye West

Adidas i ka dhënë fund partneritetit me Kanye West, pasi muzikanti bëri një sërë komentesh ofenduese dhe antisemite.

Adidas tha në një deklaratë: Komentet dhe veprimet e fundit të Ye kanë qenë të papranueshme, të urryera dhe të rrezikshme, dhe ato shkelin vlerat e kompanisë për diversitetin dhe përfshirjen, respektin reciprok dhe drejtësinë.”

Gjigandi gjerman i veshjeve sportive ishte përballur me presion nga publiku dhe punonjësit e tij për të ndërprerë lidhjet me reperin, i cili tha në një podcast më 16 tetor: “Unë mund të them gjëra antisemite dhe Adidas nuk mund të më heqë.”

Thirrjet për Adidas-in kishin ardhur gjithashtu nga të paktën tre organizata ligjore, si dhe grupe kundër racizmit.