Open AI krijon dhe përdor zërin e Scarlett Johansson, aktorja: Jam e shokuar
E Martë 21 Maj 2024, 09:35
TiranaPost
Aktorja Scarlett Johansson është në qendër të një historie që lidhet me teknologjinë dhe identitetin e saj. Ajo bëri deklarata të fuqishme në lidhje me përdorimin e zërit të saj nga OpenAI për ChatGPT 4.0, ndonëse kishte refuzuar kërkesën e tyre për të ofruar zërin e saj.
Johansson tha se iu ofrua të ofronte zërin e saj në sistemin ChatGPT 4.0, por e refuzoi për arsye personale. Megjithatë, OpenAI e përdori zërin e saj për të krijuar një bot bisedash, duke shkaktuar shqetësim dhe kontroversa për ngjashmërinë e zërit me të vërtetën. Kompania deklaroi se zëri i quajtur "Sky" nuk ishte imitim i zërit të Johansson-it dhe ishte zgjedhur para se të kontaktohej aktorja.
“Kur dëgjova demonstrimin e lëshuar, u trondita, u zemërova nga pabesia e Altman që do të krijonte një zë që tingëllonte aq frikshëm me timin, saqë miqtë e mi më të ngushtë dhe mediat e mia nuk mund të bënin dallimin. Altman madje nënkuptoi se ngjashmëria ishte e qëllimshme, duke postuar në Tëitter një fjalë të vetme 'her' (ajo)- një referencë për filmin tim. Në një kohë kur ne të gjithë po luftojmë me “deepfakes” dhe mbrojtjen e ngjashmërisë sonë, punës sonë, identitetit tonë, unë besoj se këto janë pyetje që meritojnë qartësi absolute. Mezi pres zgjidhjen transparente dhe miratimin e legjislacionit të duhur për të ndihmuar në sigurimin e mbrojtjes së të drejtave individuale”, shkruan në deklaratë aktorja.
Ky rast sjell në vëmendje pyetje të thella rreth identitetit dhe sigurisë në epokën e teknologjisë AI. Këto shqetësime përforcohen nga rastet e mëparshme të përdorimit të teknologjisë për të falsifikuar zëra të famshëm për qëllime të ndryshme, duke përfshirë dezinformatat dhe mashtrime në rrjetet sociale.
Ndërsa teknologjia e imitimit të zërit po përparon shpejt, rritja e shqetësimeve për sigurinë është e mundur të çojë në kërkesa për rregulla më të forta dhe transparencë në përdorimin e teknologjisë AI.
Gjithashtu, ky rast shkakton diskutime mbi praktikat e OpenAI dhe mënyrën sesi zhvillon teknologjinë e saj, duke paraqitur pyetje rreth transparencës dhe sigurisë së prodhimeve të saj AI.
