Mbretëresha do shpërngulet nga Pallati Mbretëror dhe arsyeja lidhet me dashurinë për Philip
Princit Philip iu dha lamtumira e fundit nga familja ditën e shtunë. Mirëpo dhimbja e madhe e familjarëve nuk shkon as me varrimin e as me kohën. Sidomos e dashura e tij Lilibet e ndjen mungesën e tij dhe nuk i qëndron dot larg. Mediat po thonë se mbretëresha do të shpërngulet nga Pallati Mbretëror për të jetuar në Windsor Castle. Jo pa qëllim. Aty pranë kështjellës prehet i dashuri i saj Philip. Kështu do jenë më pranë për ta vizituar sa herë ta marrë malli.
Ajo ka jetuar në Buckingham Palace që prej 1953-shit dhe aty ka sjellë në jetë Charles dhe Andrew. Pavarësisht ditëve të pushimeve të kaluara në rezidencat e tjera që zotëron, ky ka qenë vendqëndrimi i saj zyrtar.
Thuhet se përpara shpërnguljes në Windsor Castle, Elizabeth do të kalojë pushimet e verës në Skoci, në Balmoral Castle, kurse Krishtlindjet në Sandringham House, sipas zakonit të përvitshëm.
Varrimi i Princit Philip u bë të Shtunën në Chapel të Shën Gjergjit në Windsor, pas vdekjes së Dukës së Edinburgut të Premten e kaluar (9 Prill) në moshën 99 vjeç.
*Artikulli i Harpers Bazaar u përshtat në shqip nga Tiranapost.al