Janë apo s`janë të dashur, Leo DiCaprio dhe Gigi Hadid e festuan bashkë Halloween-in
E Martë 1 Nëntor 2022, 10:20
TiranaPost
Leonardo DiCaprio dhe Gigi Hadid ishin bashkë këtë fundjavë. Në të njëjtin hotel, në të njëjtën festë, për Halloween.
Sigurisht që nuk ishin vetëm të dy. Shoqëroheshin nga motra e Gigi-t, Bella, nga Irina Shayk dhe Helly Nahmad.
“Leo mbajti një maskë të frikshme pjesën më të madhe të natës kur nuk pinte”, thotë dikush që ishte i pranishëm në festë.
Maska e DiCaprios ishte gjysmë përbindësh, gjysmë zombie.
Leonardo DiCaprio dhe Gigi Hadid u panë duke qëndruar edhe bashkë gjatë festës.
Lajmet për një lidhje mes tyre dolën për herë të parë në muajin shtator. Asnjëri prej tyre nuk i ka konfirmuar.