Chris Evans është çun mami dhe ajo e ndihmoi të bëhej yll hollivudi
E Martë 4 Tetor 2022, 14:17
TiranaPost
41-vjeçar i Captain America, Chris Evans ka një lidhje speciale me nënën e tij, Lisa. Madje gjithë karrierën ia dedikon asaj.
Talenti artistik rrjedh në këtë familje falë nënës së tij. Ajo i inkurajoi fëmijët të merreshin me art që në moshë të vogël.
“Nëna ime ishte kërcimtare për një kohë të gjatë. Ne të gjithë jemi rritur me dashurinë për artin”, tha njëherë Evans.
Pasioni i tij për të performuar para audiencës nisi kur pa për herë të parë motrën e tij më të madhe, e cila ishte bashkuar me një kompani teatrore, duke kënduar dhe kërcyer në skenë. Disa vjet më vonë, të gjithë vëllezërit e motrat Evans iu bashkuan kompanisë së teatrit dhe nëna e tyre Lisa madje u bë drejtore artistike atje.
Përveçse ka trashëguar talentin e saj artistik, Chris ka marrë edhe sensin e mprehtë të humorit të nënës së tij. Dhe falë personaliteteve të tyre funny, duket se nuk ka kurrë një moment të mërzitshëm në shtëpinë e Evans. Si nëna ashtu edhe djali nuk kursehen të komunikojnë së bashku as publikisht.
Ajo i dha atij këshillat më të mira
Chris Evans ishte një hap larg për të refuzuar rolin në Capiten America. Lisa ishte ajo që nuk e lejoi ta bënte. Për pak do të kishte humbur rolin e jetës.
“A do të aktrosh për pjesën tjetër të jetës? Nëse e merr këtë rol, atëherë do ta kesh mundësinë. Nuk do të duhet kurrë të shqetësohesh për të paguar qiranë”, i tha ajo dhe Chris e pranoi rolin.
Ajo është gjithmonë aty për të mbrojtur shpinën e tij
Kur dikush shkruante në IMDb se Chris ishte i shkurtër, Lisa hyri dhe iu përgjigj: Po qëndronte pranë Chris Hemsworth, normal që do dukej i shkurtër.
