Sot bën 100 vjeç sallata Çezar. A e di historinë e saj?
E Enjte 4 Korrik 2024, 14:16
TiranaPost
Një nga sallatat më të famshme në botë ka ditëlindjen, ose ditëshpikjen.
Sallata e Cezarit, e shpikur në Meksikë nga emigrantët italianë bën plot 100 vite.
Për ata që e hanë sallatën, por s`ia dinë historinë, mësoje sot!
Emigranti italian Caesar Cardini thuhet se e ka shpikur pjatën më 4 korrik 1924, në restorantin e tij, Caesar's Place, në Tijuana, Meksikë. Ishte një natë e nxehtë dhe Cardini po përpiqej të ushqente një fluks kalifornianësh që kishin kaluar kufirin për t'i shpëtuar ndalimit.
Në mes të dhomës së ngrënies, Cardini hodhi gjethe të tëra Romaine me përbërësit që kishte në dorë, duke përfshirë vaj me aromë hudhre, salcë Ëorcestershire, limon, vezë dhe djathë parmixhan. Ja kështu lindi një yll.
Tijuana do ta festojë këtë ditë me një festival tre-ditor të ushqimit, verës dhe zbulimin e një statuje të Cardinit.
Caesar’s – një restorant elegant i hapur në Tijuana disa vite pasi lindi sallata – thuhet se ende bën deri në 300 sallata Çezar çdo ditë.
Rreth 35% e restoranteve në SHBA kanë sallatë Çezar në menutë e tyre, sipas Technomic, një firmë konsulente restorantesh.
Beth Forrest, një profesoreshë e arteve liberale dhe studimeve të ushqimit në Institutin Kulinar të Amerikës, tha se u deshën disa vite që sallata e Cezarit të hynte në treg.
Forrest tha se sallata e Çezarit është ideale për qiellzën perëndimore, sepse përmban dy teksturat tona të preferuara: krokante dhe kremoze. Të verdhat e vezëve dhe djathi parmixhano janë gjithashtu të pasura me acide glutamate, të cilat i japin sallatës shijen e pasur dhe të kripur të njohur si “umami”.
Variacionet e shumta të Cezarit i kanë dhënë gjithashtu fuqi të qëndrueshme, thonë ekspertët. Shefat e kuzhinës mund të shtojnë mish pule, proshutë ose salmon, të përziejnë lakër jeshile ose lakër brukseli.
Cardini nuk ishte i prirur të ndryshonte recetën e tij. Në një intervistë të vitit 1987 me Honolulu Star-Bulletin, vajza e tij Rosa Cardini tha se babai i saj ishte shumë i saktë në përgatitjen e krijimit të kësaj sallare. Ai përdori vetëm gjethet e buta e të brendshme të marules Romaine. Vezët i ka zier për një minutë para se t'i shtojë.
Ka disa debate rreth origjinës së sallatës. Disa pretendojnë se receta ishte në të vërtetë nga nëna e Livio Santini, një nga shefat e kuzhinës të Cardinit dhe një emigrante tjetër italiane. Të tjerë thonë se vëllai i Cardinit, Alex ishte krijuesi i sallatës, të cilën ai e bëri me lime dhe pastë açuge.
