Një recetë për drekën e sotme, Suxhuk pule me thjerrëza dhe lakër kale
E Martë 26 Janar 2021, 11:08
TiranaPost
Përbërësit:
Vaj ulliri
Suxhuk (sallam) pule i freskët
1 qepë e prerë në kubikë
2 thelpinj hudhër të grirë
1 lugë çaj rozmarinë të freskët (të grirë)
Një majë luge çaji me fara koperi
3 karota të prera kubikë
1 filxhan me thjerrëza kafe, të shpëlara
6 gota lëng pule ose perimesh me natrium të ulët
1 tufë lakër kale
Kripë kokërrmadhe
Kjo recetë duhet të përfshihet në Detoks.
Përgatitja:
Nxehni tiganin. Shtoni vajin e ullirit dhe pastaj suxhukun e pulës të bërë copa-copa. Lëreni të skuqet sa t`i jepni një ngjyrë.
Nxireni nga tigani.
Nëse është e nevojshme, shtoni pak më shumë vaj në tigan, pastaj shtoni qepët, hudhrën, lakrën dhe kripën. Lëreni të gatuhet dhe të zbutet për rreth 5 minuta. Shtoni karotat dhe gatuajini edhe për 5 minuta. Shtoni thjerrëzat dhe suxhukun e pulës dhe trazojini të miksohen. Shtoni lëngun. Mbulojeni. Gatuajini për 30 deri në 45 minuta derisa thjerrëzat të zbuten. Shtoni në fund lakrën e grirë kale dhe gatuajeni edhe për 5 deri në 10 minuta.
*Receta e Goop u përshtat në shqip nga Tiranapost.al
