Ky është keku i verës që hahet me lugë. Provoje në shtëpi
E Enjte 16 Korrik 2020, 09:58
TiranaPost
Ke dëgjuar ndonjëherë për kekun që hahet me lugë? Më poshtë ke recetën. Provoje në shtëpi që sot.
Receta për katër persona
Koha: 30 minuta
Përbërësit
½ e filxhanit / 115 gram gjalpë i shkrirë
145 gram luleshtrydhe
⅔ e filxhanit / 150 gram sheqer kaf
½ e filxhanit / 120 mililitra qumësht në temperaturën e dhomës
½ lugë çaji me kripë
1 filxhan / 130 gram miell
1 lugë çaji pluhur pjekjeje
Akullore me vanilje
Përgatitja
Ngroheni furrën në 350 gradë dhe lyeni tavën me gjalpë.
Duke përdorur duart ose pjesën e pasme të një piruni, shtypni luleshtrydhet për të lëshuar lëngun dhe përziejini me një pjesë të sheqerit kaf.
Në një tas mesatar, rrihni së bashku gjalpin e shkrirë, pjesën e mbetur të sheqerit kaf, qumështin dhe kripën, më pas shtoni miellin dhe pluhurin për pjekje dhe vazhdoni t`i rrihni.
Hidheni gjithë brumin në tavë dhe vendosni sipër luleshtrydhet megjithë lëngun që doli prej tyre.
Vendoseni në furrë dhe piqeni për 20-25 minuta.
Bëni kontrollin me kruajtësen e dhëmbëve për të parë nëse është pjekur.
Hiqeni nga furra dhe lëreni të ftohet për 3 deri në 5 minuta para se ta hidhni në tas. Shërbejeni me akullore.
*Burimi Cooking Nytime
